Bir insanın ömrü boyu ürəyi neçə dəfə döyünür?

 

Bir ömür boyu insan ürəyi 2,85 milyard dəfə döyünür.

Bu barədə “Live Science” məlumat yayıb.

Mütəxəssislər qeyd edirlər ki, gündəlik ürək döyüntüsü insandan insana çox fərqlidir. Bu, fiziki fəaliyyətdən asılıdır. Alimlərin fikrincə, ürək əzələsi insanın fiziki aktivliyinin artması və ya azalmasına çox tez reaksiya verir. Döyüntülər arasındakı interval hər inhalyasiya və ekshalasiya ilə 100 millisaniyə sürətlənə və ya yavaşlaya bilər.

Bildirilib ki, insanın ürək döyüntüsü yaşla yavaşlayır.

Həkimlər ürəyin sağlam vəziyyətini qorumaq üçün stress səviyyəsini nəzarətdə saxlamağa, yuxu rejiminə riayət etməyə, idmanla məşğul olmağa və balanslaşdırılmış qidalanmaya çağırırlar.