Dekabrın 3-də və 4-də "2007 JX2" və "2020 XR" adlı iki potensial təhlükəli asteroid Yerin yaxınlığından uçacaq.
Bu barədə "Newsweek" nəşri məlumat verir.
Məlumata görə, göy cisimlərinin ölçüləri Nyu-Yorkun Manhetten adasında yerləşən 443.2 metr hündürlüyündə 102 mərtəbəli göydələn "Empire State Building"lə müqayisə edilə bilər.
İlkin məlumata görə, "2007 JX2" asteroidinin ölçüsü 402.3 metr, "2020 XR" asteroidinin isə 387.7 metr təşkil edir. Birincisi Yerdən 5.5 milyon kilometr, ikincisi isə 2.2 milyon kilometr məsafədən keçəcək.
"Nature Physics" jurnalının noyabr sayında qeyd edilirdi ki, Sandia Milli Laboratoriyasının tədqiqatçılar komandası Yer kürəsini potensial təhlükəli asteroidlərdən qorumaq üçün yeni strategiya təklif edib. Alimlər sübut ediblər ki, laboratoriyada yaradılan rentgen impulsları asteroidin səthini qızdıra və materialın buxarlanmasına səbəb ola bilər ki, bu da onun trayektoriyasını dəyişəcək.
Təcrübə sübut edib ki, bu üsul diametri dörd kilometrə qədər olan asteroidin yönünü dəyişdirə bilər. Tədqiqatçıların fikrincə, kəşf planeti asteroid təhlükələrindən qorumaq üçün yeni texnologiyaların inkişafında mühüm addım ola bilər, hansı ki, 66 milyon il əvvəl belə bir asteroid olan "Çiksulub"un düşməsi nəticəsində dinozavrlar məhv olmuşdu.
Azərbaycanda keçirilən COP29 nədir, xərcini kim çəkir, kimlər gəlib? 10 suala cavabda
Adı "Qızıl kitab"a yazılan musiqiçinin UĞUR HEKAYƏSİ: Ən böyük prinsipi risk etməkdən qorxmamaqdır
COP29 çərçivəsində iqlim böhranı ilə mübarizədə təcili tədbirlərlə bağlı çağırışlar edilib
Azərbaycanın Birinci vitse-prezidenti Mehriban Əliyevanın doğum günüdür
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib