Pakistandan QİSAS ƏMƏLİYYATI: Hindistanın 5-ci qırıcısı vuruldu, qərargah məhv edildi - YENİLƏNİR

 

Pakistan ordusu Hindistan Hərbi Hava Qüvvələrinə məxsus 6 döyüş təyyarəsini vurub və Hindistan ordusunun 15-ci korpusun 9-cu diviziyasına tabe olan 12-ci piyada briqadasının qərargahını məhv edib.

Bu bəyanatla Pakistanın təhlükəsizlik qüvvələrindəki mənbələr çıxış ediblər.

Pakistan ordusun rəsmiləri bildiriblər ki, düşmən təyyarələri, o cümlədən üç "Rafale", bir "MiQ-29" və bir "SU-30", Hindistan hava məkanından dayanıqlı sursatlardan istifadə edərək Pakistan ərazisinə zərbə endirməyə cəhd edərkən tutularaq məhv edilib. Bundan əlavə, əməliyyat zamanı “Heron” tipli müşahidə pilotsuz uçan aparatı da vurulub.

Müdafiə naziri Xavaca Asif Britaniyanın Reuters xəbər agentliyi ilə eksklüziv söhbətində nəzarət xəttində cavab əməliyyatlarından sonra atışmaların baş verdiyini təsdiqləyib.

xxx

03:43

Pakistan ordusu Hindistan Hərbi Hava Qüvvələrinə məxsus üç döyüş təyyarəsi və PUA-sını vurub.

Bu bəyanatla Pakistanın təhlükəsizlik qüvvələrindəki mənbələr çıxış ediblər.

"Bir "Rafale" və bir "SU 30" qırıcı təyyarəsi Bahavalpurda Şərqi Əhmədpur yaxınlığında sərhədin Hindistan tərəfində, ikinci "Rafale" isə Hindistanın nəzarətində olan Kəşmirin Pulvama rayonunda Avantiporanın cənub-qərbində, yerdən təxminən 17 dəniz mili aralıda vurulub", - məlumatda deyilir.

Rəsmi mənbələr bildiriblər ki, bütün Pakistan təyyarələri heç bir itki olmadan bazaya təhlükəsiz şəkildə qayıdıblar.

xxx

01:00

Pakistan Bahavalpur əyalətinin Əhmədpur şəhəri yaxınlığında Hindistan Hərbi Hava Qüvvələrinə məxsus 2 "Rafale" qırıcısını vurub.

Bu bəyanatla Pakistanın təhlükəsizlik qüvvələrindəki mənbələr çıxış ediblər.

Qırıcıların nüvə silahına malik iki qonşu arasında sürətlə şiddətlənən döyüşlər fonunda vurulduğu bildirilir.

Məlumata görə, atışma bu həftənin əvvəlində başlayan sərhədyanı zərbələrdən sonra davam edən hərbi əməliyyatların bir hissəsidir.

Pakistanın hərbi sözçüsündən rəsmi təsdiq və əlavə təfərrüatlar gözlənilir.

Bu, hər iki ölkənin nüvə gücləri olması ilə münaqişənin əhəmiyyətli dərəcədə kəskinləşməsini göstərir - regional sabitliyə dair həyəcan təbili çalınır.

xxx

00:45

Pakistan Hindistan ərazisinə cavab zərbələri endirib.

Bu barədə "Samaa" TV mənbələrə istinadən məlumat yayıb.

Qeyd edilib ki, zərbələr nəticəsində Hindistan ərazisindəki hədəflər vurulub. Xüsusilə Hindistan ordusunun briqada qərargahı məhv edilib.

Mənbələrin sözlərinə görə, zərbə Hindistanın son təcavüzünə qarşı daha geniş hərbi cavabın bir hissəsi olub.

“Bir çox yerlərdə Pakistan silahlı qüvvələri düşmən mövqelərinə qəti və güclü cavab verir”, - deyə mənbələr əlavə ediblər.

Xatırladaq ki, Hindistanın Pakistanın üç şəhərinə mülki şəxslərə raket zərbələri endirib. Bundan sonra rəsmi İslamabad hava məkanını bağlayıb, qırıcı təyyarələrini səmaya qaldırıb.