Serbiya prezidenti Aleksandr Vuçiç Rusiya prezidenti Vladimir Putinin dəvətinə baxmayaraq, oktyabrın 22-24-də Kazanda keçiriləcək BRİKS sammitində iştirak etməyəcəyini açıqlayıb.
Vuçiç həmin vaxt respublikada xaricdən önəmli qonaqları olacağını bildirib.
Putinin köməkçisi Yuri Uşakov bildirib ki, indiyədək dəvət olunmuş 36 xarici liderdən 18-i sammitdə iştirakını təsdiqləyib, o cümlədən Türkiyə prezidenti Rəcəb Tayyib Ərdoğan.
Tədbirdə Boliviya, Monqolustan və Belarus prezidentləri də iştirak edəcək.
Xatırladaq ki, Rusiya bu il Braziliya, Hindistan, Çin, Cənubi Afrika, Birləşmiş Ərəb Əmirlikləri, İran, Misir, Səudiyyə Ərəbistanı və Efiopiyanın da daxil olduğu BRİKS-ə sədrlik edir.
Sentyabrın 4-də Putin Vuçiçi alyansın Kazanda keçiriləcək sammitində gözlədiyini açıqlamışdı.
“Biz ona dəvət göndərdik. Ümid edirəm ki, cənab prezident bundan yararlanacaq”, - o, Şərq İqtisadi Forumu çərçivəsində Serbiyanın baş nazirinin müavini Aleksandr Vulinlə görüşü zamanı demişdi.
Rusiya MDB ölkələrinin liderlərini Kazana çağırdı: Nə baş verəcək?
ABŞ-ın növbəti hədəfi bu ölkədir: Məxfi plan işə salınıb
Türkiyənin qarşısına ŞƏRT QOYULUB: "Ankara Aİ-yə üzvü olmaq istəyirsə..." - Lavrov AÇIQLADI
İsrail və Livan müharibənin bir addımlığında: Savaşı ən çox kim tətikləyir?
Azərbaycanın Birinci vitse-prezidenti Mehriban Əliyevanın doğum günüdür
