Rusiyada üç aeroportda uçuşlara müvəqqəti məhdudiyyət qoyuldu

 

Rusiyada Nijnekamsk, İjevsk və Perm hava limanlarında mülki təyyarələrin uçuşlarına müvəqqəti məhdudiyyətlər tətbiq edilib.

Bu barədə Rusiyanın Federal Hava Nəqliyyatı Agentliyinin mətbuat xidməti məlumat yayıb.

Qərar mülki təyyarələrin uçuşlarının təhlükəsizliyini təmin etmək üçün verilib. Təyyarələrin ekipajları, dispetçerlər və hava limanının digər xidmətləri təhlükəsizliklə bağlı lazımi tədbirlər görür.