Ermənistanda sorğu: Əhalinin neçə faizi Paşinyandan razıdır?

 

Sosioloji sorğu iştirakçılarının demək olar ki, 58 faizi Ermənistanın baş naziri Nikol Paşinyanın işindən narazı olduğunu bildirib.

Bu barədə GALLUP Beynəlxalq Assosiasiyasının Ermənistan nümayəndəliyinin rəhbəri Aram Navasardyan araşdırma məlumatlarını təqdim edərkən bildirib.

Nəticələrə görə, 57,6 faizi baş nazirin fəaliyyətindən narazıdır: onlardan 41,5 faizi qətiyyən narazıdır, 16,1 faizi isə “kifayət qədər narazıdır”.

Respondentlərin 34,5 faizi baş nazirin işini müsbət qiymətləndirir: 14,1 faizi “qətiyyən razı”, 20,4 faizi isə “kifayət qədər razı”.

Digər 7,9 faiz isə cavab verməkdə çətinlik çəkib.

Hökumətin işi də əsasən mənfi qiymətləndirmələrə səbəb olur: respondentlərin 35,4 faizi bunu tənqid edir, 13,5 faizi isə müsbət qiymətləndirir. Parlamentin və prezidentin fəaliyyətini respondentlərin müvafiq olaraq 43 faizi və 39 faizi mənfi, cəmi 8,6 faizi isə tam müsbət qiymətləndirib.

Qeyd edək ki, sorğu oktyabrın 24-dən 30-dək telefon vasitəsilə 1100 respondentlə aparılıb.