Yaponiyanın Kyoto şəhərindən olan "Shimadzu Corp" şirkəti unikal saatların satışına başlayıb. Saatların özəlliyi ondadır ki, 10 milyard ildə sadəcə bir saniyə səhv edirlər.
Bu barədə "Bloomberg" nəşri məlumat verib.
Məlumata görə, bu, stronsium optik qəfəsdə dünyanın ilk kommersiya saatıdır. Bir ekzemplyarın qiyməti isə təxminən 3,3 milyon dollara çatır.
Cihaz xüsusi işıq dalğalarında saxlanılan atomların vasitəsilə vaxtı ölçür. Layihə Tokio Universiteti və Riken İnstitutu ilə birgə həyata keçirilib. Yeni saat dəqiqliyinə görə adi sezium atom saatlarını təxminən yüz dəfə üstələyir. Məhz sezium saatları indi saniyənin standartını təyin edir.
Satışlara dünən (5 mart - red.) başlanılıb. Şirkət üç il ərzində 10 belə cihaz buraxıb satmaq niyyətindədir. Həm Yaponiyada, həm də xaricdən alıcıların olacağı gözlənilir. Saat mürəkkəb elmi tədqiqatlar üçün nəzərdə tutulub.
"Shimadzu Corp" nümayəndələri bəyan ediblər ki, onların məhsulu bütün satış üçün olanlar sırasında ən dəqiqidir. Eyni zamanda, onlar əlavə ediblər ki, alimlər artıq daha təkmil modellərin yaradılması üzərində işləyirlər.
İlham Əliyev Çinin CGTN telekanalına müsahibə verdi - ViDEO
BU GÜN MƏRHUM ŞAKİR YAQUBOVUN DOĞUM GÜNÜDÜR
"DARDA QALAN YURDUMUN HARAYI VƏ HEYDƏR ƏLİYEV HAQQINDA DEYİLƏNLƏR MƏNİ DOĞMA VƏTƏNİMƏ SƏSLƏDİ"
UNUDULMUŞ UNUDULMAZLAR
Azərbaycanda keçirilən COP29 nədir, xərcini kim çəkir, kimlər gəlib? 10 suala cavabda