Azərbaycanda bələdiyyələrə ödənilən xidmət haqları və digər yığımlar üzrə hesablaşmalar da nağdsız qaydada həyata keçiriləcək.
Bu, "Nağdsız hesablaşmalar haqqında" qanuna təklif olunan dəyişiklikdə öz əksini tapıb.
Xatırladaq ki, qanunun 3.4.1-ci maddəsinə əsasən vergilərin yığımı nağdsız qaydada həyata keçirilir. Bu müddəa bələdiyyə vergilərinə də şamil olunacaq.
Bundan başqa, "Bələdiyyələrin maliyyəsinin əsasları haqqında" və "Büdcə sistemi haqqında" qanunlara təklif olunan dəyişikliklərə əsasən, bələdiyyə büdcəsinin gəlirləri və xərcləri bələdiyyələrin fəaliyyətinə inzibati nəzarəti həyata keçirən orqanın informasiya sistemində əks olunur. Bələdiyyə büdcəsinin xərcləri həmin informasiya sistemi vasitəsilə həyata keçirilir və müvafiq ödənişlər ödəniş xidməti təchizatçıları vasitəsilə təmin edilir.
Dəyişikliklər bələdiyyə büdcəsinin formalaşmasının və icrasının elektronlaşdırılmasına, elektron ödəniş üsullarından istifadə etməklə nağdsız qaydada həyata keçirilməsinə, bununla da şəffaflığın təmin olunmasına, yerli büdcənin icrasının və vəsaitlərdən istifadənin səmərəliliyinin artırılmasına xidmət edəcək.
Hesablama Palatası Bakı Dövlət Universitetində nöqsanlar aşkar etdi
ABŞ-ın bölgədə dağıdıcı strategiyası – Gürcüstan “marionetka” olmaq istəmir
Dövlətdən pul almaq istəyənlərin NƏZƏRİNƏ
Deputatların maaşından hər ay bu qədər vergi tutulur - Şok məbləğ
Adı "Qızıl kitab"a yazılan musiqiçinin UĞUR HEKAYƏSİ: Ən böyük prinsipi risk etməkdən qorxmamaqdır