2021-ci ildə 69 yaşında COVID-19 xəstəliyindən dünyasını dəyişən Respublikanın Əməkdar artisti Baloğlan Əşrəfovun doğum günüdür.
Baloğlan Əşrəfov 1951-ci ildə Masallı rayonunun Bədəlan kəndində anadan olub.
1978-ci ildə Azərbaycan Dillər Universitetinin (ADU) Filologiya fakültəsini qurtarıb, ardınca isə 5 il Azərbaycan dili və ədəbiyyat müəllimi işləyib.
O, 1989-cu ildə yaratdığı "Şəhriyar" (AzKonsert-in nəzdində) ansamblı ilə Bakının bütün böyük konsert salonlarında dəfələrlə solo konsertlər verib.
Baloğlan Əşrəfov ifa etdiyi mahnıların musiqilərini, demək olar ki, özü bəstələyib.
Dünyanın bir sıra ölkələrində - Türkiyə, İraq, İran, Almaniya və MDB-nin bütün böyük şəhərlərində solo konsert proqramları ilə çıxış edib. İraqda Babilistan festivalında Azərbaycanı tərənnüm edib.
B.Əşrəfov 2007-ci ildə Azərbaycan Respublikasının "Əməkdar artist"i fəxri adına layiq görülüb.
Müğənni 26 aprel 2021-ci ildə 69 yaşında COVID-19 xəstəliyindən vəfat edib.
Sənətkar doğulduğu Masallı rayonunun Bədəlan kəndində doğmalarının məzarları yanında torpağa tapşırılıb.
Azərbaycanın Birinci vitse-prezidenti Mehriban Əliyevanın doğum günüdür
Adı "Qızıl kitab"a yazılan musiqiçinin UĞUR HEKAYƏSİ: Ən böyük prinsipi risk etməkdən qorxmamaqdır
UNUDULMUŞ UNUDULMAZLAR
Saxta alimlər, pulla alınan ödüllər, “elmi” fırıldaqlıqlar… - Araşdırma yazı
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib