Ən böyük körfəzlərdən birində müəmma: Su qan qırmızıya çevrildi

 

Kamçatkadakı Avaça körfəzinin suları qan qırmızı rəngə bürünüb. 

Alimlər bunu planetin ən böyük körfəzlərindən birində qeyri-adi hadisənin baş verməsi kimi elan edib.

Mütəxəssislər qeyd ediblər ki, aprelin 12-dən buxtanın şimal-şərq hissəsində suyun rəngində dəyişiklik müşahidə olunub - o, qırmızıya çevrilib. Hidrobiologiya laboratoriyasının əməkdaşları körfəzin niyə belə rəng aldığını öyrənmək üçün nümunələr götürüblər.

Məlum olub ki, suyun qırmızı rəngini kirpikli Mesodinium rubrum verib - onun səthdəki konsentrasiyası 1 litrdə 452 min vahidə çatıb. Bu mikroorqanizmlərin özləri zəhərli deyil, lakin onların kütləvi şəkildə yayılması təhlükəli ola bilər. Daha böyük yosunlar və digər plankton orqanizmlər onunla qidalanır, buna görə də suyun çiçəklənməsi geniş miqyaslı olmaq riski daşıyır. Risk faktorlarına temperaturun yüksəlməsi və antropogen yüklər daxildir.