Karlsondan sensasion iddia: ABŞ Rusiya ilə nüvə müharibəsinə hazır idi

 

Amerikalı jurnalist Taker Karlson sosial şəbəkədə bildirib ki, ABŞ-ın keçmiş prezidenti Co Baydenin administrasiyası nüvə müharibəsi təhlükəsi ilə bağlı xəbərlərə məhəl qoymayıb və Rusiya ərazisinə zərbələr endirmək üçün raketləri Kiyevə verib.

Onun sözlərinə görə, təxminən Ukrayna münaqişəsinin ortasında Pentaqon nümayəndələri hesablamalar aparıb və müəyyən ediblər ki, ABŞ Kiyevə silah göndərib Rusiyaya zərbələr endirsə, nüvə mübadiləsi ehtimalı 50% olacaq.

"Və Amerika onlara bu silahı verdi. İnsanın başında nə olmalıdır? "Ağılı başında olan heç kim bunu etməz", - Karlson deyib.

Qeyd edək ki, söhbət ATACMS və “Storm Shadow” raketlərindən gedir.

“Bu, sadəcə dəlilikdir! Nüvə müharibəsi riski? "Bunun doğru olduğuna inana bilmirəm”, - deyə jurnalist vurğulayıb.

Tural