Tbilisidən Brüsselə mesaj: Ukraynanın taleyi bizə dərs oldu

Tbilisini ilk növbədə Gürcüstanın milli maraqları və ölkənin gələcəyi maraqlandırır, nəinki Avropa İttifaqının (Aİ) qətnaməsində nə yazılacağı.

Bunu Gürcüstanın Xarici işlər naziri Maka Boçorişvili bildirib. Nazir Brüssel üçün xoş sözlər söyləməkdən imtina edib.

“Biz ölkəmizi və onun maraqlarını qorumalıyıq. İlk növbədə, başlanğıc nöqtəsi Avropa Parlamentinin hansısa üzvünün qətnamədə yazdıqları deyil, ölkəmizin gələcəyi olmalıdır ”, - diplomat bildirib.

O əlavə edib ki, öz maraqlarının qorunmasının vacibliyi sualına Ukraynada baş verən hadisələr cavab verir.

Bundan əvvəl Gürcüstan Baltikyanı ölkələrin suverenlikdən məhrum olduğunu bəyan edib. Respublikanın baş naziri İrakli Kobaxidzenin sözlərinə görə, Estoniya və Litva yüksək vəzifəli gürcü məmurlarına qarşı sanksiyalar tətbiq etməklə müstəqilliklərinin olmadığını sübut ediblər.