Türkiyə Bosforu bağladı - Səbəb nədir?

İstanbulu Avropa və Asiya hissələrinə ayıran Boğaziçi boğazında gəmiçilik qatı duman səbəbindən müvəqqəti olaraq bağlanıb.

Bu barədə Türkiyə Nəqliyyat Nazirliyinin Dənizçilik İdarəsi məlumat yayıb.

“Yerli vaxtla saat 03:10-da hava şəraiti normallaşana qədər sıx duman səbəbindən gəmilərin hərəkəti hər iki istiqamətdə dayandırılıb”, - deyə məlumatda bildirilir.

Türkiyə Sahil Mühafizəsinin məlumatına görə, çərşənbə gecəsi şəhərin şimal hissələrini qatı duman bürüyüb.

İstanbulun bir sıra ərazilərində güclü qar yağması səbəbindən yerli hakimiyyət orqanlarının qərarı ilə fevralın 12-də məktəblərdə dərslər ləğv edilib. Türkiyə paytaxtının Avropa hissəsində yerləşən İstanbul Beynəlxalq Hava Limanının fəaliyyətində hər hansı dəyişikliklə bağlı hələlik məlumat yoxdur.