Azərbaycan Ermənistanı Haaqa Məhkəməsinə verdi - İki iddia qaldırılıb

Azərbaycan Haaqa Daimi Arbitaj Məhkəməsinə Ermənistana qarşı 2 dövlətlərarası arbitaj iddiası təqdim edib.

Bu barədə beynəlxalq arbitaj üzrə erməni ekspert Sarqis Qriqoryan deyib.

Onun sözlərinə görə, Azərbaycanın təqdim etdiyi işlər çərçivəsində artıq arbitaj məhkəmələri təyin edilib.

“Artıq iki iş üzrə ilk məhkəmə iclası keçirilib. Hazırda sübutlar, şahid ifadələri, ekspert rəyləri və s. daxil olmaqla hər iki iş üzrə proses davam etdirilir”, - o deyib. Əlavə edib ki, iddiaların məxfiliyi hələ açılmayıb.

Ermənistan və Azərbaycan tərəfi də məsələ ilə bağlı açıqlama verməyib.